អតីតខ្សែប្រយុទ្ធនៃជម្រើសជាតិបារាំង និងធ្លាប់លេងឲ្យក្លឹប Real Madrid/PSG គឺ Nicolas Anelka បានបង្ហាញការយល់ឃើញ មុនឈានដល់ការប្រកួតរវាងក្លឹប Paris Saint-Germain និង Real Madrid នៅវគ្គ ១៦ ក្រុម UEFA Champions League។ ពេលវេលាប្រកួត គឺនៅម៉ោង ០៣:០០ នាទីទាបភ្លឺ ឈានចូលថ្ងៃទី ១៦ កុម្ភៈ មានផ្សាយផ្ទាល់លើទំព័រ CTS Sports។
និយាយទៅសារព័ត៌មាន Marca សម្រាប់អតីតកីឡាករខាងលើ ទស្សន៍ទាយប្រកួតសារនេះ គឺពិតណាស់ Real Madrid មានសង្ឃឹមច្រើនជាង ព្រោះបើផ្អែកតាមបទពិសោធន៍ក្រាស់ក្រែលដែលក្លឹបធ្លាប់ជួបប្រទះនៅពានអឺរ៉ុប។
Anelka ថា៖ “នេះដូចជាវគ្គផ្ដាច់ព្រ័ត្រដ៏លឿនមួយអ៊ីចឹង នេះក្រុម ២ ក្លឹប ២ ត្រូវមកប៉ះគ្នា តែយ៉ាងណាខ្ញុំនិយាយថា Madrid គេមានប្រៀបជាង ព្រោះអីពួកគេមានបទពិសោធន៍ច្រើនជាង ហើយតែងតែរឹងមាំជានិច្ចនៅ UCL ក៏ប៉ុន្តែ PSG ក៏មានកីឡាករលេចធ្លោច្រើនដែរ ដូច្នេះហើយពួកគេក៏សង្ឃឹមនឹងអាចទទួលបានលទ្ធផលល្អមួយ”។
រំឭកស្ថិតិ កាលប៉ះគ្នានៅ UCL គឺក្លឹប Real Madrid ធ្លាប់ជួប PSG សរុប ៦ លើក តែអធិរាជស ឈ្នះដល់ទៅ ៣ ស្មើ ២ និងចាញ់ ១ ប៉ុណ្ណោះ។ គ្រាប់បាល់កើតឡើងសរុប ១៥ គ្រាប់ ខាងក្លឹបអេស្ប៉ាញ រកបាន ៨ និងក្លឹបបារាំង បាន ៧។ នេះគឺជាការប្រកួតរវាងក្រុមឈ្នះជើងឯក ១៣ សម័យកាល និង ០ សម័យកាល៕
អតីតកីឡាករ Cesc Fabregas បាននិយាយអំពីទ្រនំថ្មី របស់ខ្សែការពារ និងជាប្រធានក្រុមនៃក្លឹបតោខៀវ Chelsea គឺ Cesar Azpilicueta។ សម្រាប់បុរសវ័យ ៣២ ឆ្នាំ ហាក់មិនសម្រេចក្នុងការបន្តកុងត្រាថ្មីនោះទេ ដោយពេលវេលាឈរជើងជាមួយក្លឹប ក៏សេសសល់តែជាង ៤ ខែទៀតប៉ុណ្ណោះ។
យ៉ាងណាបើតាមការលើកឡើងរបស់អតីតកីឡាករ Fabregas ដែលជាបុរសរួមសញ្ជាតិជាមួយនឹង Cesar បាននិយាយលើប្រព័ន្ធផ្សព្វផ្សាយ Twitch កន្លងទៅថា៖ Azpi [Cueta] ទៅក្លឹប Barcelona គឺខ្ញុំបានទទួលដំណឹង ថាកៀកនឹងឈានដល់ការសម្រេច ១០០ ភាគរយហើយ ។
តែយ៉ាងណាបើទៅមើលការបកស្រាយរបស់កីឡាករផ្ទាល់ Azpilicueta គេបាននិយាយ៖ ខ្ញុំសុំអត់លើកឡើងរឿងពាក់ព័ន្ធអនាគតមកជជែកពេលនេះទេ នេះយើងកំពុងស្ថិតនៅវគ្គ ៤ ក្រុមចុងក្រោយនៃការប្រកួតពានធំ ។
គួររំឭកថា ខ្សែការពារស្លាបស្តាំរបស់ Chelsea រាប់បានជាកីឡាករកាន់ឆ្នាំ ពោលឈរជើងនៅក្លឹប ជិត ១ ទសវត្សទៅហើយ។ អតីតកាលជាមួយក្លឹបអេស្ប៉ាញ គេមិនធ្លាប់ឈរជើងឲ្យក្លឹបធំនៅឡើយ ដូច្នេះការផ្ទេរទៅ Barcelona ក៏រាប់បានជា ការសម្រេចចិត្តដ៏ល្អមួយ។ សរុបស្ថិតិជាមួយតោខៀវ ៤៥៨ ប្រកួត រកបាន ១៥ គ្រាប់និង Assist ៥៦ លើក៕
ព័ត៌មានកីឡាបាល់ទាត់ថ្មីៗ